Lea-Artibaiko berbalagun

Ibilaldia...

2011-03-13T05:46:00.002+01:00

Ibilaldiko kantu eta bideo klip ofizialean lanean ibili gara, baina kantu eta bideo klip ez ofizialean ere agertzen gara!

Hori Joan! Zu bai zu sukaldaria!

Ikastaroak...

2011-03-13T05:43:00.001+01:00

Orain artean, herriko euskal kultur ekimenen berri eman dugu gurean. Hemendik aurrera, eta urtea amaitu bitartean, Berbalagun ikastaroak antolatzen ahaleginduko gara.

Buruan, DJ ikastaroa, irrati tailerra eta sukaldaritza ikastaroa ditugu! Beste ezer bururartzen?

Badator Ibilaldia

2011-03-13T05:39:00.006+01:00

Aurrekoan gure agenda estuaren berri eman genuen...

Besteak beste, horrelakoak egiten ibili gara.

Ikusi ikusi Berbalagun bat baino gehiago agertzen da eta: Leire, Nerea, Txomin...

polita, ezta?

Ezin beteta

2011-03-13T05:34:00.002+01:00

Aupale,
zer moduz?

gu oso oso liatuta, lanpetuta, alpertuta...
zer esango dugu ba...

2011 urte betea datorkigu ondarrutarroi: Korrika, Ibilaldia... Batera zein bestera ailegatzeko nonbaitetik astia hartu behar ta... Blog-a ahaztuta eduki dugu! Bloga bai, baina Berbalagun, EZ!!!!

Aurrekoan Txuserra (Zaragoza, Aragoi) ta biok (Ondarroa, Euskal Herria) Berbalagun solidarioa egitera joan ginen. Biok ala biok odola ematera joan ginen euskara lagun. Gaixoei laguntzeaz gain, autobus osoa euskaraz berbetan ipini genuen.

Zaragozako euskaldun batek euskaraz egin ahal badu, autobuseko bertoko langileek ezin dute hala? konpromiso itzelian jarri genituen...

Zorionak aitatxoooo!

2011-01-30T08:20:00.002+01:00

Zorionak zuri, zorionak zuri, zorionak hirukote, zorionak zuri!

Gure Berbalagunen arteko lotura ta ispilua aitatxo izan da asteon! Gainerako Berbalagunei euskara ikastea posible dela erakutsi dien Berbalagunak semea eduki du asteon!
Zorionak Ritxard, Ainhoa ta Amets!
Euskaldun ingeles berri bat daukagu gurean!

Musu handi handi handi bat guzti-guztion partetik!

Berbalagunak uhinetan

2011-01-23T19:09:00.002+01:00

Gabonetako oporren ostean, erritmoa ezin hartuta ibili gara Berbalagun asko. Urte berrirako asmo eder ugari, ideiak ere beste hainbeste, eta horrelakoetan sarri gertatzen den bezalaxe, ezin ordenatu. Ezin martxan ipini!
Ondarroako irrati librean (Radixu Irratian) irratsaioa hartzeko proposamena egin nien aurreko batean berbakide batzuei. Era horretan, euskaraz berba egiteko beste modu bat edukiko dute. Pentsatzen ari dira: egin ala ez egin! Hori da kuestioa!
Bien bitartean, Zubi Zahar ikastolako ikasle etorkinekin antzerako zerbait egingo dugu. Izan ere, klase orduetan irratsaioa prestatuko dugu eta gero irratira joango gara grabatzera. Gazteek egin ahal badute...

Euskara ikastea posible da?

2010-12-12T05:58:00.002+01:00

Ondarroako Berbalaguneko koordinatzailea izateaz gain, AEKn irakasle ere banabil.
Azken asteko klase batean euskara ikastea posible den ala ez eztabaidatzen pasatu genuen ia-ia ordubete. Nik baietz uste dut! Nire ikasleetako bat, ordea, ez dago ados nirekin.
Ezina ekinez egina leloak dioen modura, lana gogotik eginda, zelan ez da ba posible izango?
Inguruko adibide bat ipintzeagatik, azken urte bietan nirekin ikasle eta Berbalagunen ibilitako Richard ingelesaren kasua ipini nion mahai gainean. Ikasle mesfidatiak Richard ezagutzen du, baina bere euskalduntasunaren berririk ez zeukan. Izan ere, bien arteko harremana ingelesez sortu eta jorratzen dute.
Richardekin ostiral arratsaldetan egiten dut Berbalagun, eta gure mintzasaioak euskara hutsezkoak direla frogatzeko gobitea luzatu diet eztabaidan parte hartu zuten guztiei.
Akaso, eta zorte pixkatekin, taldea handituko dugu. Inor gehiago animatzen al da?

Esker Emate Eguna

2010-12-08T23:40:00.002+01:00

Ikasturte berri honetan berbalagun berriak egitea kostatzen ari zaigu, baina badira-badira...
Aurrekoan Eli eta Marketa berbalagun berriekin bazkaria antolatu genuen. Esker Emate bazkaria. Makina bat lagun, ezagun eta ezezagun batu zitzaizkigun hitzordura!
Indio oilarra, barazkiak, errioxako ardoa...
Ostean, txikiteoa ta Esne Beltza ikustera joan ginen!

Ondarroako Berbalagunen abantailak

2010-11-06T07:51:00.004+01:00

Azaroan zorionekoak dira Ondarroako Berbalagunak. Izan ere, Kafe Antzokiarekin egindako hitzarmenaren arabera hilabete honetako ekitaldietan sarrera bat ordaindu eta bigarrena doan edukiko dute.

Azaroko Kafe Antzokiko egitaraua:

Azaroak 5, ostirala: THE DIRTY BROTHERS + KAÑERIA 13 + GORROTO
Azaroak 6, larunbata: LAIA + GOVERNORS
Azaroak 12, ostirala: 13 BARRI antzerkia
Azaroak 13, larunbata: GARI
Azaroak 19, ostirala: DJ GAUA (DJ XUBAN, KOLDO LOIRA...)
Azaroak 20, larunbata: LOBO ELECTRICO + LAU MONO
Azaroak 21, igandea: OREKA TX
Azaroak 27, larunbata: ESNE BELTZA + DZ

Badago non aukeratu, ezta?

Berbalagunen izena eman nahi?

2010-10-24T09:17:00.003+02:00

Mintzapraktika programetarako kanpaina ipini du martxan, beste behin ere, AEK-k. Atera arbela kalera! lemapean, euskara ikasleak euskaraz berba egitera animatu nahi ditu, eta bide horretan, euskaltegian ikasitakoa kalera eroaten lagundu! Horrenbestez, aurten mintzapraktika programa batean parte hartu nahi duten guztiek izena emateko aukera zabalik dute.

Dakizuen modura, mintzapraktika programetan edozeinek har dezake parte: besteak beste, euskaldun zaharrek, euskaltegiko ikasle ohiek edo euskaltegiko ikasleek. Programotan, euskaraz berba egiteko ohitura duten pertsonak euskaraz berba egiteko ohiturarik ez dutenekin batzen ditugu. Horren seinale dira Euskal Herriko lurralde guztietako hiri, herri eta auzoetan abantean dauden taldeak.

Zapato Azulean lanean

2010-07-11T11:45:00.005+02:00

Ondarroan jende gehien batzen duen jaia da ziurrenik Zapatu Azule. Ekaineko azken asteburuan gure herria eta herritarrak urdin janzten dira, eta uda sasoiari lagun artean hasiera emateko egun aproposa bihurtu da.
Aurten, XIII. edizioa (ekainak 26) antolatu dute Radixu Irratikoek, eta eguraldia lagun herria gainezka egon da. Euskal Herriko Kamiseta Azoka, Dinamartxa, taloak, txaranga, erraldoiak, umeen jolasak, txosna, txitxarro erreak... bada non aukeratu Zapato Azuleko egitarauan. Oraingoan, gainera, Cantabriko tabernako Pantxo Bedialauneta sukaldariaren eskutik Zapato Azule Pintxoa sortu dute.
Radixukoek laguntza behar zutela eta, gure Berbalgun sarera duela gutxi batutako Joan (argazkian erdi-erdian dago) , jo ta su ibili da aitatutako pintxoei azken beroaldia eman eta eman. Manu ere ez da gutxiago izan, eta Kamiseta Azoka muntatzen ibili da. Zentzu horretan, euskara ahoan eduki ez eze, herriko kultur dinamikan ere sartzen ari dira pixkanaka-pixkanaka Ondarruko Berbalagunak.
Aurrekoan, Radixukoek irratia erabiltzen laga ziguten Berbakideoi. Oraingoan, mesedea bueltatu diegu.
Elkarri lagunduta, urrun ailegatu gaitezke.

Ikasturte amaieran Radixu Irratira ostera

2010-06-13T14:15:00.005+02:00

Ikasturte amaieran oso zaila egiten da euskara klaseetako ohiko lan dinamika errespetatzea. Urte osoko jardunaren amaiera begi bistan dago, eta azken asteetan, ezin zaie askorik eskatu eguna joan eta eguna etorri txintxo-txintxo ibili diren ikasleei. Lan egiteko gogorik gabe daude, eta hala eta ere, klasera huts egin barik etortzen direnez, zer edo zer egin behar. Ikasleetako batzuk, egunez egun hartu duten euskara maila polita dela eta, berbalagun proiektuan sartzeko prest daude; animatzea falta zaie bakarrik. Azken bultzadatxoaren zain daude, eta gure zereginetako bat (irakasle eta berbalaguneko koordinatzaile legez) horiei guztiei euskaraz berba egiteko erraztasunak eskaintzea denez, klasetik atera eta irteeratxoa egin dugu Ondarruko Radixu Irratia irrati librera. Asmoa argia izan da: euskaraz berba egiteko gai direla erakustea. Mintzapraktika egitea!

Betiko ariketak albo batera laga, eta kazetaritza munduan murgildu gara. Zentzu horretan, azken klaseetan, irratsaiotxo bat prestatu dugu klasekideen artean: batzuk elkarrizketak prestatu dituzte, besteek, deskripenak, eta bateren batek, aurkezpena. Irakaslea bera ere, ez da libratu.

Klaseko ikasle batzuk berbalagunak dira, eta hori dela eta, irratian ateratako argazki batzuk gure blogera igotzea pentsatu dugu. Lehenengo argazkian, Manuel eta Kirenia daude lasai-lasai batak besteari egindako elkarrizketa amaitu eta gero. Bigarren argazkian, berriz, irratiko nahasketa mahaia agertzen da lehen planoan, eta erdi difuminaturik, ikasle bi (Blanca eta Arantza).

Lehenengo argazkiko emakumea ez da berbalaguna, ezta bigarren argakiko emakume biak ere. Bai, ostera, Manuel. Hiru urte daramatza gurekin, eta pixkanaka-pixkanaka euskal hiztun bihurtzen ari da. Gainontzeko hirurak datorren ikasturtean batuko omen dira gure berbalagun komunitatera. Hitza hartu diegu!

Irteeraren ordez, afaria elkartean

2010-06-06T13:37:00.003+02:00

Azken blog-ean notizi txarrak baino ez genituen kontatu, eta hala edo nola, sentsazio edo egoera hori gainditu beharrean geunden. Lehen ere albiste txar ugariren berri izaten dugu egunero, eta gu ere hala hastea...

Ez bazarete gogoratzen; Berbalagun, Aek-ko ikasle, irakasle zein hainbat herritarren artean antolatutako irteera (Arabar Errioxara) bertan behera geratu zitzaigun, eta Ondarruko berbalagun gehientsuenok elkarrekin egun pasa joateko aukera enteratu barik galdu genuen.

Hori dela eta, afari alternatiboa egitea pentsatu genuen Berbakide baten elkartean (Pikupe Zaharra, Mutriku). Data (maiatzak 14, ostirala) eta ordua (22:00etan) ipini, eta guztiok bihurtu ginen sukaldari. Bakoitzak bere ekarpen txikitxoa egin zuen, eta tokian tokiko janariak eraman genituen afarira. Esate baterako, Manu eta Jose Berbalagunek olagarroa prestatu zuten. Biak dira galegoak, eta zer hobeto galego batek prestatutako olagarroa baino? Gainera, itsaskiari laguntzeko Ribeiro botilatxo batzuk ere ekarri zituzten.

18 lagun elkartu ginen Berbalagunen mahai inguruan, eta euskara ikasten dabiltzanekin batera, guzti-guztien bikotekideek ere afarian hartu zuten parte.

Ederto-ederto pasatu genuen; argazkia ez al da nabaritzen?

Peni penita penaaaaaaaaaaaa!

2010-04-18T09:30:00.002+02:00

Ikasturte honetan ere ezin upategira joan: eguna ipinita zegoen, 30 lagunek izena emana zeukaten, autobusa lotuta... baina azkenean ezin!

Gure asmoa hilak 24an, zapatua, Arabar Errioxako Launa upategira bisita egitea zen. Launako arduradunek, ardoa ekoizteko jarraitu beharreko prozesuaren gaineko informazio oso-osoa euskara hutsean eman behar ziguten Lea-Artibaiko AEK-ko Berbalagun, ikasle, irakasle eta lagunoi. Eta ez da gutxi. Zoritxarrez, ez dira asko zerbitzu edo azalpen hori euskara hutsean emateko gaitasuna daukaten ardogileak. Horregatik, guk, aukera aprobetxatu nahi genuen. Bide batez, upategian bazkaltzea zen gure asmoa. Azken momentuan, baina, bertan behera utzi behar izan dugu irteera.

Aukeratutako egunean, azken orduko aldaketak direla eta, upategian bazkaltzeko guztiontzako lekurik ez zegoenez data aldetzeko proposamena egin ziguten upategikoek. Zoritxarrez, ezin beste egunik aurkitu. Ikasturtea amaitzeko ez da askorik falta, eta ia-ia maiatzeko eta ekaineko astebururo dago zer edo zer: azterketak, eskualdeko jaiak... Beraz, hurrengo baterako laga behar...

Laguardiako (Arabar Errioxa) Launa Upategira irteera

2010-03-14T15:35:00.003+01:00

Iaz, arazoak arazo upategi batera joateko asmoa bertan behera geratu bazen ere, aurten ez dugu hutsik egingo. Lea-Artibaiko Berbalagun eta AEK-ko ikasleek irteera antolatu dugu apirilerako. Oraindik data zehatza ez dakigu, baina ziurrenik apirilaren 24an izango da. Data ez, baina lekua aukeratuta daukagu: Laguardiako (Arabar Errioxa) Launa Upategia.
Plana:
Lehenengo eta behin, upategia bisitatuko dugu. Upategiko kide batek upategiko instalakuntzak erakutsi eta ardoa egiteko jarraitzen diren pausu guztiak azalduko dizkigu: mahatsa upategira ailegatzen den unetik, ardoaren elaborazio, ontze eta botilatzera arte.
Bisitaldiaren ostean, ardo dastaketa egiten da mokadutxoarekin. Azkenik, upategiko jatetxean bazkaria. Menua, arabar errioxako menu tipikoa da:
-Nafarroako porruak edo zainzuriak ozpin oliotan.
-Patatak errioxar erara txorizoarekin.
-Arkume errea entsaladarekin.
-Gazta irasagar eta frutarekin.
-Kafe eta likoreak.
-Ogia eta ardoa.

Azalpen guzti-guztiak euskaraz emango dituzte. Launako arduradunak euskaldunak dira eta.
Izena emateko azken eguna datorren eguaztena izango da.

Berbalagunontzat Aizu merkeago

2010-03-07T12:17:00.000+01:00

AIZU! oinarrizko euskaraz idatzitako aldizkaria da, euskara ikasten ari den edota euskaraz irakurtzeko ohiturarik ez duen ororen lagungarri. AEK-k argitaratu eta harpidetza bidez jaso daiteke norberaren etxean, irakurle ororentzako moduko aldizkaria baita.

AIZU! aldizkariak urtean hamar ale kaleratzen ditu (hileko bat, abuztuan eta urrian izan ezik), eta batez ere gizarte eta kultura gaiak lantzen ditu, erreportaje, elkarrizketa eta albiste laburren bidez. Komikiak, denbora-pasak eta euskal gramatikaren inguruan sortzen diren zalantzak argitzeko txokoa ere biltzen ditu bere orrietan. Testu guztiak daude euskara errazean idatzita eta hiztegi sarreratxoen laguntza dute, hitz eta egitura zailenak ulertu ahal izateko.

Mintzapraktika egitasmoetan (berbalagun, mintzalagun...) parte hartzen baduzu urteko harpidetza merkeago egingo dizugu. Zelan? Galdetu zuon koordinatzaileari!

Sariaren parte

2010-01-31T20:08:00.003+01:00

Ondarruko Berbalagun egitasmoan senegaldarrek daukaten pisuaren gainean galdera batzuk egin zizkidan unibertsitaterako lan bat prestatzen dabilen magisteritzako ikasle batek duela pare bat aste. Egia esan, Lea-Artibaiko Berbalagun egitasmoa sortu zenean, hainbat senegaldarrek hartu zuten parte hasieretako ekimenetan. Gerora parte hartzea txikituz joan da, eta egun, senegaldarrak eta Berbalagunen arteko lotura ez da handi-handia. Hala eta ere, harremana badago, eta horren lekuko, abantean dagoen talde batean senegaldar bat euskaldun zahar batekin batzen da ia-ia astero.

Iaz Espainiako Narratiba Saria irabazi zuen liburua eskuan hartuta (Bilbao-New York-Bilbao, Kirmen Uribe), eta eskerren atalari errepasoa egiten, hara non aurkitu ditudan Dudu Thiam, Mamadou Bakhoum, Ismaila Senghor eta Mouhamed Dieng senegaldar Berbalagunen izenak. Izan ere, Uribe liburua idazten zebilela laguntza eskatu zien Ondarroako Berbalagun egitasmoko senegaldar eta koordinatzaileari. Asmoa, senegaldarrek itsasoarekin daukaten loturaren berri edukitzea. Azkenean, hitzordua egin, eta bertan berba egindakoak lekutxoa izan zuen liburuan. Berbalagun-Senegal-Uribe lotura sortu zen horrela. Berbalagunok ere sariaren parte bihurtu ginen horrela.

Liburua irakurri ez duenarentzako ariketa planteatzen dugu Ondarruko Berbalagunok. Nobelako zein orrialdetan aurkitu daiteke senegaldarrek Uriberi emandako informazioa? Animatu, liburuak merezi du eta.

Abantean ostera ere

2010-01-24T18:15:00.002+01:00

Aupa Berbalagunok,
Gehientsuonontzako ikasturtea irail edo urrian hasi bazen ere, Ondarroako Berbalagun egitasmoarentzako kurtsoa oraintxe hasten da. Urte berriarekin batera, pilak ondo-ondo kargatu, euskara lagun hartu , eta iaz egindakoak ondo aztertu ostean, berriro ere abantean jartzeko sasoian gaude. Orain artean gurera hurbildutakoak berton jarraitzea espero dugu, bidean galdutakoentzako ere lekua gordea daukagu, eta lagun berriak egiteko irrikitan gaude.
Urtero modura, euskara praktiktu nahi dutenentzako mintzalagunak topatzeko prest gaude. Talde txikietan, eta musutruk, lagun giroan euskaraz berba egiteko aukera emango du Berbalagunek.
Orain artean, baina, martxan egon garen taldeok ez dugu gainontzeko taldeon berri handiegirik eduki. Elkar ezagutzen dugu, baina ez dugu elkarrekin gauza handirik egin. Ea aurten, denok batera zer edo zer egiteko aukera daukagun. Ideia horrekin, Errioxara irteera egiteko asmoa daukagu apiril edo maiatzean. Baina, lasai, bidaiaren gaineko berri zehatzagoa hurrengo asteetan emango dugu eta.
Era berean, okerrik ezean, Berbalagun kontzertua ere antolatuko dugu uda baino lehen. Ez da gutxi, ezta? Proposamenik?
Bien bitartean
ondo segi

aurtengo kanpaina martxan dago!

2009-10-15T13:47:00.005+02:00

AEK-k, euskaltegietako ikasturtea hastearekin batera, mintzapraktika programetarako kanpaina berria jarri du abian eskuko behatzak ere ez dira igualak lemapean. Honenbestez, 09-10 ikasturtean mintzapraktika programa batean parte hartu nahi duten guztiek eman dezakete izena jada Euskal Herrian diren 50etik gorako egitasmoren batean.

Mintzapraktika programetan edozeinek har dezake parte, berdin dio euskaldun zaharra, euskaltegiko ikasle ohia edo euskaltegiko ikaslea bada. Berdin dio zein den bere jatorria, adina, lanbidea edo zeintzuk bere zaletasunak, azken batean, eskuko behatzak ere ez direlako igualak. Egitasmoen inguruko informazioa: http://praktikatu.blogspot.com/

Parte hartzeko datu hauek baino ez dira bete behar edo hurbildu Lea Artibaiko AEK-ko euskaltegietara:

Lekeitio: Atea 7 / 94 684 28 69
Markina: Uriarte 11 / 94 616 75 97
Ondarroa: Artabide 13, 5 / 94 613 40 21

Animatu eta parte hartu!

Ndiomba Ndong, Berria TBn

2009-06-24T16:31:00.002+02:00

Gure berbalagun saritua, Ndiomba, famoso egiten ari zaigu!
Oraingoan Berrian egin diote elkarrizketa bideoan, Berria TBn ikusgai dagoena.

Hemen jarri dut bideoa:

Arazorik eduki ezkero ikusterakoan, hemen duzue Berriako lotura. http://www.berria.info/berriatb/580/

Mintzaeguna 09 Gasteizen

2009-06-24T10:53:00.005+02:00

Ekainak 6, larunbata, hiru lagun joan ginen Gazteizen ospatu zen mintzaegunera.

Goizean bisita gidatua izan genuen, lunch-a eta gero, alde zaharreko harresia eta eraikin batzuei buruzko azalpen argiak eta zehatzak ematen zituen gidari majo batekin.

Ekaineko lehenengo larunbata izanik, Gasteiz gainezka zegoen eta kaosa nabarmena zen:

Jendea kalez-kale bertsotan, antzerkiak, kontzertuak, eskontzak petardo eta guzti...

Anbiente ona eta eguraldi dexentea.

Bazkaria izan genuen gero,...ez dakit menuarena komentatu edo ez..., ondo legoke hurrengo baterako aniztasuna kontuan eduki eta menua ere denontzat modukoa izatea.
Ez genuen espero hainbeste jende artean Ndiomba musulmandar bakarra izango zenik eta gutxiago gure laguntzailea den Miren, begeta bakarra izango zenik!!

Hala ta guztiz, festara joan ginen eta ondo pasatu genuen.

Bazkari osteko erromeria ondo-ondo egon zen; ideia ona dantza gidatuarena!

Ndiombari asko gustatu zitzaion oparia, eta pixkat lotsatuta egon arren oso pozik dago.

Argazkian, mintzaeguneko irudia duen PINarekin

Ndiomba Ndong berbalagun saria 2009 (HITZAko elkarrizketa)

2009-06-23T17:03:00.006+02:00

Ndiomba Ndong - Lekeition bizi den senegaldarra, Berbalagun Saria 2009
«Berbalagunen, euskara ikasteagaz batera, benetako lagunak gara»
Berbalagun taldean duela hiru urte hasi zen parte hartzen, Markina-Xemeinen, eta han jarraitzen du, euskara maila harrigarria lortuta.
· Gaur ospatuko da Gasteizen Mintza Eguna, Euskal Herri osoko topaketan
Gaur Gasteizen Mintza Eguna 2009 ospatuko da, eta bertan sarituko dituzten sei lagunetako bat da Ndiomba Ndong (Mounde, Senegal, 1966). Urduritasun puntu bategaz dago, baina argi dauka elkarrizketa osoa euskaraz egin nahi duela. Beste ezer baino lehen, esker oneko berbak eta «animo handiak» bidali nahi izan dizkio, HITZAren bidez, duela hiru urtetik hona bere berbalagun euskaldun zaharra den Iñaki Arregiri. «Berbalagunen, euskara ikasteagaz batera, benetako lagun gara denok».

H-Zerk ekarri zintuen euskara ikastera?

N- Komunikaziorako ikusi nuen euskara jakitea garrantzitsua dela hemen. Markina-Xemeinen bizi nintzen lehen, eta orain dela ia urte bitik hona, Lekeition. Nik bertoko hizkuntzan komunikatzen ikasi nahi nuen.

H-Eta zelan hurreratu zinen euskararen ezagutza horretara?

N- Iñaki Arregi, bere emaztea eta bere seme-alabekin. Hasi ginen astero batzen Uhagonen, euskaraz berbetako.
H- Eta horrela ikasi duzu?

N-Bai, berbetan ikasi dut. Gero, saiatzen naiz hiztegiagaz-eta gehiago ikasten, eta pixka bat idazten.

H-Markina-Xemeingo Berbalagun taldean zaude, beraz, hiru urtez. Nortzuk gehiago batzen zarete?

N- Nire lagun Alassane eta Iñakiren lagun ermuar bat, euskara ikasten dabilena, ere taldekoak dira.

H- Hasieran oso gaitza egiten zitzaizun?

N-Euskara oso gaitza da!

H-Wolof ere bai!

N- Bai, zuentzat bai! [barrez].

H- Bertoko euskaraz egiten duzue berba, ala batuaz?

N-Bertoko euskaraz egiten dugu, eta errazagoa egiten zait ulertzeko, horrela ohitu naizelako.

H-Astero batzen zarete: zertaz egin berba?

N-Edozertaz. Gure bizitzako gauzetaz. Lagunak gara.

H- Zure familia berton bizi da?

N-Ez; emaztea eta seme-alabak Mounden daude. Hemen badaukat lehengusu bat.

H-Bertora ekarri nahiko zenituzke emaztea eta umeak?

N-Bai horixe! Hori nahi dugu, baina gaitza da. Nahiko genuke hona etortzea familia, hemen

beharrean jarraitu, eta urte batzuk pasatuta, berriro Senegalera bueltatzea. Hori oso polita

izango litzateke.

H-Non egiten duzu beharra?

N-Abadiñoko lantegi batean. Brokak, zerrak eta horrelako piezak egiten ditugu. Ondo nago;

badaukat lana, kontratuagaz, eta paper guztiak ere bai.

H-Bide gaitza izango zen zurea?

N-Bai, oso luzea eta gaitza.

H-Lea-Artibain senegaldar asko bizi zarete, tartean ume eta gazteak.

N-Bai, eta horiek bai ondo egiten dutela euskaraz.

H-Berbalagun Sariaz zer diozu?

N-Pozik nago, eta pixka bat urduri.

Bidaia denboran zehar

2009-05-26T10:38:00.009+02:00

Halakoa izan zen Abittagako koban egin genuen txangoa. ADES espeleologia taldea eta Bittor Arroita karlistaren eskutik egin genuen historian zehar bidaiatxo bat: XIX. mendean, liberalen kontrako guda galdu ostean, Lekeition bizi zen karlista honek, arma eskutaleku bezala erabili zuen koba honetan, oraindik ageri dira aztarna interesgarri batzuk: fusil zatiak adibidez, edota XX. mende hasieran inguruan bizi zen jendearen izen abizenak paretetan idatziak...Hau guztia "koladaz" eta "banderaz" apainduta inguru guztietatik, estalaktita eta estalagmita artean. Zoragarria benetan! Eskerrikasko Idoia, Oier, Bikain eta Urtzari euren laguntza eta ikaskuntzagatik. (eta argazkiengatik, noski!).
Errepikatzeko gogoekin gaude!

Ikusten duzuenez, ondo "ekipatuta" joan ginen: Kasko eta frontalak, belaunekoak, arropa zaharrak edo espeologiarako buzoak eta gomazko guanteak. Kobazuloan eroso sentitzeko ezinbestekoak.

Oier Gorosabel izan zen gure argazkilari trebea.

Kobako atarian, txangoa bukatu eta gero.

Nekatuta, pozik eta... bizirik!

Hurrengo arte!

Berbalagunak Abittagan

2009-05-26T10:26:00.006+02:00

(Berri hau ADES taldeko Blog-etik kopiatuta dago: http://actualid-ades.blogspot.com/2009/05/berbalagunekin-abittagan.html)

09-V-23: Bikain, Idoia, Urtza eta Oierrek lau lagun eruan doguz Abittagara buelta bat emotera: Bego, Idoia, Oscar eta Alex.
Galerixa nagusittik fondoraiñok egin dogu; bertako bloke anabasatik zihar sala “espeleotematiko” bixak lokalizatu doguz, eta ez hori bakarrik: bloketan gora,ADES gelaraiñok allegau gara, Trakamallerako bidegurutze partetik (abarketa zolia dagon lekuan). Beraz, hasierako pasio nasaixa izan bihar zana esploraziño txikixa bihurtu da, ezagutzen ez genduan sektore horretan.

Berbalagun ekimeneko lagunak egokiro portatu diraz, eta euskaldunbarrixak expresiño barrixak praktikatu dittuez. Adibidez:
- Baiña nun ipiñi biot hankia? Eh? Nuuuun...?
- Colada estalagmitiko hau tripako azalian sentitziak hotzikarak eragitten destaz.
- Labantzen ari naizelaaaaaa.....! (plof).
- Baiña ni... hortik pasauko naiz ala?

EUSKAL HERRI EUSKALDUNA ERAIKITZEN

2009-05-11T18:47:00.007+02:00

Ehunka euskaltzalek hizkuntza eskubideen aldeko aldarrikapenagaz bat egin nahi izan dute.
Aurreko urtean Atarrabiak utzitako lekukoa hartu ostean, Hizkuntza Eskubideen VI. eguna ospatu zen herenegun Ondarroan.Adin guztietatako Euskal Herritarrek egun guztiko aldarrikapen egunagaz bat egin zuten.
Euskaraz biziko diren guneakHizkuntza Eskubideen egunean, Ondarroako EHEkEuskaraz biziko diren guneak sortu eta dagoeneko indarrean daudenak babestea eskatu zuen. Horrez gain, Euskarak bizi duen menpekotasun egoeratik irten eta lehentasunezko politikak behar direla azpimarratu zuten. «Horretarako, euskaldunon artean eta kanpoko inongo esku hartzerik gabeko hizkuntza politika burujabea garatzeko eskubidearen alde egingo du EHEk», gaineratu zuten.Turrun arteanTurranaren hotsak eman zion hasiera egunari. Oraindik ere esnatzeko zegoen herria eta Kresala bandakoak eta Artelaneko Euskal Herria herensugeak herri guztiko txokoak girotzen hasi ziren. Orduak pasa ahala, Ondarroako kaleak herritarrez ez ezik, kanpoko jendeagaz betetzen hasi ziren.Bien bitartean, erakusketa aretoan eskualdeko zein nazio mailako hainbat eragileren lan eta materiala jasotzen zuen Euskaraz Bizi guneak ateak zabaldu zituen. Bertan, eskualde mailako hainbat eragileren lana eta materiala ikusteko edota erosteko aukera egon zen.1.500 lagun inguruHerriko hainbat gunetan zer edo zer ikusteko aukera egon zen domekan.Alameda bete jende egon zen Kresala dantza taldeak eskaini zuen dantzaldiari so. Ostean, Alai tabernaren azpian kale antzerki egin zen Ondarroako ikastetxeetako haurren kantaldia ere egin zen.Kantaldia bukatu bezain pronto, eguneko bi ekitaldi nagusienei hasiera eman zitzaien. Euskaraz biziz, Euskal Herri euskalduna lemapean Errebala Txikiñetik atera eta Itsasaurre plazarantz abiatu zen manifestaziogaz 1.500 bat lagunek bat egin zuten alde batetik. Hau bukatu ostean, enparantzanhasi zen ekitaldi nagusia.Txalaparta doinu eta ehunka euskalzaleen txalo artean hasi zen eguneko ekitaldi nagusia. «Oztopoen gainetik»Ondarroako EHE hasi zen berbetan. Hauek, herrian udalaren euskalduntzearen inguruan daramaten dinamika izan zuten hizpide. Era berean, Uematik kaleratuak izana ere salatu zuten. Ondoren, Iratxe Ibarra eta Xabier Iturraspek bertso bana bota zuten. Bien bitartean, Ondarru Otxoantesanak grafitia egin zuen eskenatokiaren atzean. Bertsolarien atzetik, Uemako lehendakari Jon Bollarrek erakundeak egindako lana birgogoratu eta beraien lana garatu ahal izateko aurrean izan dituzten oztopoak ere mintzagai izan zituen. «Denok batera arraun eginez gero, ezerk ez gaitu porturanzko bidean desbideratuko», adierazi zuen bukatzeko Bollarrek. LeaArtiBAI Euskararien izenean ere Iker Ajuriagerrak zer nabarmendu eduki zuen.«Erabakitzeko ahalmena»Ajuriagerraren hitzei Hainbat taldeko partaideen sokazko instrumentuen melodiek jarraitu zien.Ekitaldi nagusiagaz amaitzeko Iera Arantzamendik EHEren irakurketa zabaltzeko lana egin zuen.Arantzamendik, besteak beste, XXI. mendean herrian bertan norberaren hizkuntzan bizi ezina azpimarratu zuen. «Beharrezkoa dugu euskaldunok, Euskal Herritik Euskal Herrira, Ondarrutik Ondarrura, eta inongo kanpoko esku hartzerik gabe, erabaki horiek hartzea ahalbidetuko digun hizkuntza politika burujabea garatzeko eskubidea, erabakitzeko ahalmena», azaldu zuen.Ekitaldiaren ostean 500 bat lagunek bazkari herrikoiagaz bat egin zuten.

VI. HIZKUNTZA ESKUBIDEEN EGUNA

2009-04-29T11:21:00.005+02:00

'EUSKARAZ BIZIZ EUSKAL HERRI EUSKALDUNA ERAIKI!'
lelopean ospatuko da Ondarroan VI. Hizkuntza Eskubideen Eguna.
Egun osoan euskaraz bizi eta gozatzeko egitarau zabala izango da,
kale animazio, herri-bazkari, ikuskizun, gune, kontzertu eta abarrekin.
Zesatek! eta Trikizio taldeak izango dira oholtza gainean. Eguneko
leloa ozen aldarrikatzeko manifestazioa eta ekitaldi nagusia ere izango
dira bazkalaurrean.

Berbalagunak Uhagonen

2009-04-27T19:32:00.005+02:00

Etxebarriko berbalagunak, Uhagon kultur gunean batzen gara, astero behin edo birritan; astearte eta ostegunetan. Amets ahal duenean etortzen da, besteak Hector eta Itziar dira eta Manuela eta ni (Bego) falta gara argazkian.

2009-04-27T19:10:00.004+02:00

Gure luxuzko berbalagun den Amets Txurrukak Hitzarako
egindako artikuluak benetan merezi du irakurtzeak. Egizu klik
bere gainean eta irakurtzeko moduko tamaina hartuko du.

2009-04-27T11:50:00.001+02:00

Berba eta esaera xelebreen bildumak harrera ona eduki du herritarren artean
Herri hizkera indartzeko asmoarekin 2006an martxan jarritako lehiaketa izan da liburuaren oinarria nagusia.
Aulki hutsik ez eta atzeko aldeko espazioa beteta. Atzo, Uhagonen, aurkeztutako Markinaldeko Berba eta Esaera Xelebreak liburuaren aurkezpenak ikusmin handia sortu zuen herritarren artean

2009-04-27T11:35:00.007+02:00

Aupa kristina eta Idoia!

Markinan hartu zuten testigua gure

berbalagunek. Aldapa igotzea tokatu zitzaien baina umore onez egin zuten. Ezta neskak?

Animo, eta segi horrela!

Bideo zatia ikusteko, hona hemen lasterbidea:

http://www.11barri.info/bideoak/78

eta argazkiak ikusi nahi ezkero hona beste hau:

http://www.11barri.info/irudietan/28/

Zorionak parte hartu zenuten guztioi!!

Korrika dala eta hausnarketa batzuk

2009-04-27T11:30:00.002+02:00

Kaixo blogzaleok!
Hemen txertatu dudan artikulua, Koldo Rodriguez Akarregi-ren blog-etik aterata dago.
Zuen iritzien zai...
Hauteskunde kanpaina. Euskara akatzera datoz!uuuuuuuuuuuuuuhhhhhhhh »
09.03.31

09:36:28 , Talaiatik , 450 hitz, 458 aldiz ikusia Atalak: Uncategorized
GOBIERNO DE NAVARRA Vs. AYUNTAMIENTO DE LEQUEITIO KORRIKAREN ABENTURAK ETA DESBENTURAK
Badator Korrika, ezin dut sinistu zelako arin pasatu diren bi urte, oraindik aurrekoa buruan daukat. Emozionatu egiten naiz Korrikarekin, ezin dut agoantatu, eta urte guztian egiten ez dudan kirola (nahiz eta azkenaldian Lekitton arin aringa egitea toka jakun) egun honetan egiten dut, emozinoiak nekeari aurre hartzen dio eta ezin hankak geratu.
Baina aurtengo Korrika notiziaz beteta etorri zaigu. Lehengoa, Euskararen etsai ezagunen eskutik, Nafarroako gobernuaren eskutik. Lehengo aldiz Korrika laguntzeko konpromisoa hartu, baina laster bota da atzera, horretarako aitzakiak erabiliz. Jakina da Sanzen gobernuak urte guztia hauetan Nafarroan aurrera daraman politika glotozida, euskararen desagerpena bilatu nahian, ezagunak dira gobernu honek hartu dituen erabakiak eta egin izan dituenak. Oraingo hau ere politika horren barruan kokatuko nuke, presoan argazkiak agertu direla aitzakiatzat erabilita (hauek ere eskubidea izango dute ba korrika egiteko), aurten lehengo aldiz eman behar zuen dirulaguntza ez ematea erabaki du, aitzakia hutsa. Presoan argazkiak betidanik parte hartu izan dute Korrikan. Presoak herri honen parte dira, eta besteak beste Korrikak dituen helburu berdinak defendatzeagatik daude kartzelan, beraz besteok beste zilegitasun dute, edo gehiago, Korrikan presente egoteko. Baina badakizue, beti aitzakiaren bat behar erasoak estaltzeko eta oraingoan hau erabili behar izan dute.
Nafarroako gobernuarena larria bada, are larriagoa iruditu zait Lekeitioko udalak, edo Ayuntamiento de Lekeitio deitu beharko nioke, hartu duen erabakia. 16. edizioa beteko du aurten korrikak, eta guztietan ez bada ia guztietan Lekeitioko Udalak bere kilometroa izan du, herritar guztiona den kilometroa. Baina aurten gure Alkate Jaun Txit gorenak Korrika ez laguntzea erabaki du, aitzakiatzat krisia eta diru falta argudiatuta. Jarritako aitzakia sinesgarria izango litzateke, Korrikan parte hartzea milioiak kostatuko balu, baina 400 euro inguru kostatzen da kilometroa, eta diru hori udalak ez duela izatea, aitzakia merkea ez ezik lotsagarria ere bada. Makro obretan (faroa, sahiesbidia,…) edo tontokerietan (Turismo bulego mega modernoa, Suspergintza subentzionatzen,…) hainbeste diru gastatzen duen udaletxe batek, eta zer esanik ez alkate eta alkate ordeak dituzten soldata desproportzionatuak ikusita (euren soldatetatik dirua ipini bazuten konturatu be ez ziren egingo diru hori falta zaienik), zelan esan dezakete 400 euro miserable ez dituztela. Lotsagarria iruditzen zait, eta herri osoa be lotsagarri uzten dute.
Egoera Lotsagarri honen aurrean zerbait egin beharra dagoela pentsatzen dut, berriro ere Lekeitioko udalak herrien interesari begiratu beharrean bere poltsikoei eta interesei begiratzen diela argi geratu da, baina modu baten edo bestian Lekeitioko herria korrikaren dagoela erakutsi behar dugu. Horretarako proposamen bi egiten dizkizuet, 40 lagun ia batzen garien bakoitzak 10 euro ipinita, Lekeitioko udalak ipini ez duen diru horri geuk ipini eta Lekitto be Korrikarekin eta euskararekin dagoela erakusteko. Nik lehengo 10 euroak ipintzen ditut, animatzen bazarie bestiok galarrena@gmail.com emailera idatzi eta deituko dizuet. Dirurik ez dutenari, beste proposamen bat, ostiralean goizaldeko 5:20an denok eskolapera bajatzea Korrikari ongi etorria emotera.
HOR DAGO BADA NIRE PROPOSAMENA, LEKITTO KORRIKAREKIN ETA EUSKAREKIN.
4 erantzun » Permalink-a
4 erantzun
Erantzuna from: Talaiatik [Kidea]
Udalak 227 euro eman dizkio AEKri laguntza modura Korrikarako. Diru honegaz justifikatu nahi badute kilometroa ez eroste, lehen lotsagarria bazen egoera, orain lotsagarriagoa da nire ustez. 227 euro emon eta batzun kontzientzia trankil, lotsa gutxi behar da gero. 0.03 euro Lekittar bakoitzeko.
09.04.01 @ 08:32
Erantzuna from: oinaze [Bisitaria]
Idea ona Koldo!!neu be prest nao 10€ isteko, abixako nazu.
09.04.02 @ 10:58
Erantzuna from: beste bat [Bisitaria]
Nik tabernetan be ikusi doraz itxulapikoak horreratarako... en fin, en castellano matizo mejor esaten daben batengandik ze espero daiteke ba? Aurrera korrika!
09.04.02 @ 12:31
Erantzuna from: AIALA [Bisitaria]
NEU BE BAI!!!
09.04.02 @ 13:01

2009-03-09T10:38:00.001+01:00

ONGI ETORRI!!

LAISTER DATORRELA KORRIKA!!
Informazio orokorrerako lotura: http://www.korrika.org/

Berbalagunak irratian

2009-02-25T18:20:00.011+01:00

Aupa Berbalagunok! Eguneratuko gara pixkat, gabonak e.a. atzean utzita eta irrasaio interesgarri batera hurbilduko gara. Astelehenetan Oierren aittitta Raduga irratsaiora hurbiltzen gara noizik behin Arrakala irratian, eta parte hartzen uzten gaitu; solasalditxoren bat, abestiren bat aurkeztu.. Argazkikoak: Oskar eta Idoia(euskaldun barriak) Oier, Oibar(euskaldun zaharrak)eta beste irrati zale batzuk. Korrikaren abestia ere aurkeztu genuen. Irratsaioari buruzko xehetasunak: http://bitakora.arrosasarea.org/

Hemen duzue Korrika 16.aren abestia; Betagarrirena da. Izenburua: Ongi etorri lagun! . Euskararen mundura hurbiltzen diren/zareten guztientzat omenaldi bat da.

Abestiaren letra:

ONGI ETORRI, LAGUN!!

Rami hasi zen Afrikan eta Andoni Gernikan. Maddalen berriz Sohütan Evaristo Amerikan euskara herrian doa Euskal Herria korrikan euskara herrian doa mundu bat euskal herritan Mikel oinez gehienetan Pepe eta Elvira trenetan Mohamed lanetik bueltan eta Nekane bizikletan mundu bat doa korrika hizkuntzaren bideetan mundu bat doa korrika euskararen herrietan Karriketan korrikan korrika karriketan doa euskara... uhoo karriketan korrika korrika karriketan doa mundua... uhoo Karriketan korrika korrika karriketan doa euskara... uhoo karriketan korrika korrika karriketan doa mundua... uhoo Ongi etorri Aitor galdu zuen ta bila dator ongi etorri Sarai heldu arren korrika darrai Kantatu dezagun Ongi etorri lagun!Euskara herrira Zure herrira zatozena!! Orain euskara da soa euskaraz doa pausoa euskara da itsasoa zerua lurra auzoa euskara herrian dago euskaraz mundu osoa euskara herrian dago euskaraz mundu osoaKarriketan korrika korrika karriketandoa Euskara... uhoo karriketan korrika korrika karriketan doa Mundua... uhoo Karriketan korrika korrika karriketan doa Euskara... uhoo karriketan korrika korrika karriketan doa mundua... uhoo Bidaia zugan bada eta bidea zeu bazara mundua da euskara zatoz mundu bat Korrikara Kantatu dezagun Ongi etorri lagun! Euskara herrira Zure herrira zatozena...

Berbalagunak Sto. Tomas azokan

2009-02-25T17:53:00.008+01:00

Dagoeneko urrun gelditzen den Abenduan Sto. Tomas azoka ospatu genuen Lekeition hainbat herritan bezala. Han egon ginen Lea-Artibaiko aek eta berbalagun batzuk ere taloak egiten "jo ta fuego" eta korrikako arropa saltzen.
Igandea izanik, eta aspaldiko partez eguraldi ezin hobea genuenez, jendeak gogoz jan zituen taloak eta "bape barik" gelditu ginen.Arropa ere ondo saldu zan.
Argazkietan, berbalagun batzuk:Idoia eta Oibar arropa saltzen eta Garbiñe, Txomin, Ana eta bere alaba Itziar taloak egiten.

Bueltatu gara!

2008-10-09T16:30:00.005+02:00

2008/10/9

Aupa Euskalherriko Berbalagun eta Euskaltzale guztiok!

Egia da!, bueltatu gara blog-era hainbeste denbora ta gero.

Berbalagun egitasmoko teknikari aldaketa egon zen maiatzean, eta berria zeharo makala da internet kontuetan; Lasai, ikasiko du...

Argazkian ageri diren hiru neska maja hauek Berbalaguneko fitxak betetzen etorri ziren euskaltegira, eta asko gustatu zitzaizkien mafaldaren azalpenak.

Aprobetxatuko dut esateko, baten batek ez badauko oraindik argi, Berbalagun-ek aukera ematen dizula euskaraz berba egiteko. Talde txikietan, zuk nahi duzun orduan eta egunean, eta dohainik. Euskalduna eta euskaltzalea bazara ere, eta euskaraz bizi nahi duenari laguntzeko borondatea badaukazu, badaukazu -zelan ez!-, lekua gure artean.

Lekeition bagaude taldeak antolatzen, eta trukaketa taldea ere badugu. Frantseza eta Euskera trukatzen duten bi-hiru neska ditugu eta beste talde bat, maila majoarekin, jada hasita dagoena...

Espero dut laister berri gehiagorekin etortzea...

...eta, zuen mezuak?

bideo bitxia

2008-10-08T11:21:00.004+02:00

bideo hau Lekeitiorekin maitemindutako argentinar batek egin du, abestia gazteleraz izan arren, bitxikeri bat da.

udaostean berriro martxan gaude

2008-09-29T13:26:00.000+02:00

berbalagun, euskaldun berrientzat, inoiz euskara ikasi eta erdi bidean geratu direnentzat, gaur egun ikasten dabiltzanentzat eta berbalditxo bat izateko nahiko maila daukatenentzat zuzenduta dago.

Euskaldun zaharrek parte hartzea ere behar-beharrezkoa da egitasmo honetan; batez ere, euskaldun berriei laguntzeko euskaldun oso bihurtzen. Egitasmo honek, taldeka eta taldeak berak aukeratutako ordu eta egunean, euskaldun berri eta zaharrak batuko ditu. Taldeak osatzerakoan, kontutan hartuko dira partaideen gustuak, zaletasunak, etab...

berbalagun está dirigido a los que han aprendido euskara, a los que lo han estudiado alguna vez y se han quedado en el camino, a los que actualmente lo están estudiando y tienen algo de nivel para hablar un poco, a los que quieren aprenderlo...
La colaboración de los vasco-parlantes es imprescindible para ayudar a los estudiantes de euskara a soltarse y a dominar el idioma. Los grupos se forman teniendo en cuenta los gustos y las aficiones de sus integrantes y en el horario y días que los mismos decidan.

berbalagun est pour ceux qui ont appris euskara, pour ceux qui l'ont étudié et sont restés a mi-chemin, par ceux qui l'étudient maintenant et ont niveau pour parler un peu, par ceux qui veulent l'apprendre…
La participation des bascophones est indispensable, pour aider aux étudiants à avoir de la fluidité dans la langue. Les groupes se réunissent dans l'horaire et les jours choisis par leurs membres et en tenant compte de leurs goûts et leurs penchants.

berbalagun is for those who have learnt Basque, for those who have been learning it once and remained halfway, for those who are learning it actually and have some level to speak a bit…
The Basque Speakers' collaboration is necessary to help Basque Learners to start speaking and be fluent in the language. Groups are formed according to their likings and hobbies. The days and timetable are decided by them.

Lea Artibaiko eskuorria

2008-03-13T11:17:00.001+01:00

I. HITZA EGUNA

2008-03-06T10:24:00.000+01:00

>AULESTIA, 2007ko EKAINAREN 17a

Oso egun berezia ospatu zen gure eskualdean ekainaren 17an. Lea-Artibai eta Mutrikuko Hitzaren eguna. Eskualde eta Mutrikuko euskarazko egunkaria, hemen gertatzen denaren berri ematen diguna, arlo guztietan: politika, ekonomia, kultura, kirola, gizartea, udalen informazioa... Elkarren berri izatea ahalbidetzen diguna, herritarron nahi eta iritziei lekua ematen diguna, kohesioa ematen diguna... Eta hau guztiau EUSKARAZ. Ez da egunkari soil bat, herritar askok gurea balitz bezala ikusten baitugu. Euskaraz irakurtzeko ohitura ez daukanak ere, HITZA irakurtzen du. Harpidedunak ez direnek ere irakurtzen dute!

Horregatik herritar guztiok parte hartu zuten HITZA egunean, elkarlanean. Ekitaldiak antolatzen, txosnetan lan egiten, bazkari herrikoi erraldoia prestatzen, herria atontzen... Dena helburu batekin: HITZAri laguntzea.

Berbalagunekoak ere han izan ginen; jarraian ikus daiteke zelan pasatu genuen. Ez dago gehiagorik esateko: hitz gutxiago beraz, eta HITZA gehiago!

KORRIKA 15 Lea-Artibain

2008-03-06T10:11:00.000+01:00

Korrika 15 gure eskualdetik pasatu zen martxoaren 25ean, igande baten. Nahiz eta hotza eta euria egin, milaka lea-artibaitarrak errepideetara atera ziren, korrika eginez euskarari bultzada emateko. Hala ibili ziren aldapatik gora eta behera, Ondarroan lehendabizi, gero Markina-Xemein; Aulestirako bidean, Santa Eufemia mendatea zeharkatuz; Gizaburuaga, Amoroto, eta azkenean Lekeitiotik agurtu zuen Korrikak Lea- Artibai eskualdea.
Berbalagunak ere han egon ziren, eta lekukoa hartzeko aukera ere izan zuten: Ondarroan eta Markinan, euskaldun zahar zein berriek Korrikari ekin zioten, egunero euskarari ekiten dioten modura: ilusioz eta gogoz, hemengo zein urrunetik etorritako euskaldunak. Amurizatarren mezuak esan zuen bezala, EUSKALDUNAK GARA, EZ EUSKAL HERRIAN BIZI GARELAKO, EUSKARAZ BIZI GARELAKO BAIZIK.
Euskara bizi da, biziko da, eta hemen agertzen dira euskarak bizirauteko lan gogorra egiten ari direnak. Animo! Korrika bi urtean behin pasatzen bada ere, egunero HELDU behar diogu euskarari.

2007ko martxoa

Markina-Xemeinen, Korrika heldu baino lehen, barre batzuk botatzen.

Zertan ibiliko dira hain kontzentratuta?

Aaaaaaa...! Ariketei errepasoa ematen ari dira! ????

Denok familiako erretraturako wapo wapo ipinita.

HELDU!!!!

Bagoaz Markinan zehar, noraino helduko ote gara?

Lekeitio. Euskararen kale erabileraren neurketa

2008-03-06T10:01:00.000+01:00

Soziolinguistika Klusterrak 2006ko urrian burutu zuen euskararen erabileraren neurketa. Aurreko neurketa 2001ekoa da. 2007ko Otsailaren 22an egin zen aurkezpena, Kultur Etxeko Azkue aretoan. Hemen jasotako datu esanguratsuenak agertuko dira soilik. Edozein galdera edo kezka baldin badaukazue, ipini zaitezte gurekin harremanetan. Udaletxean ere neurketaren emaitzak jaso ditzakezue.
Neurketa honetan jasotakoaren arabera, Lekeition euskararen kale erabilera %63,6 da (kalean neurtu diren 100 elkarrizketetatik, 64 euskaraz izan dira eta gainerakoak erderaz).

2007ko otsaila

Lehen bi grafiko hauetan, ikusten den bezala, Lekeition euskararen erabilera pixkanaka-pixkanaka jaisten doa.

Adin taldeei dagokionez, euskara gehien erabiltzen dutenak haurrak dira. Helduak, aldiz, gutxien erabiltzen dutenak dira. Eta adin-talde guztietan jaitsiera ikus daiteke.

Haurrak aurrean direla, erabilera igotzen da. Orduan, zergatik ez eurak ez daudenean? Aspaldi esaten zen esaera "Txakurrari eta umeei bakarrik" egia ote?

Hemen ikus daiteke Lekeition dagoen euskararen ezagutza. Oso altua, Euskal Herriko altuenetarikoa.

Euskararen ezagutza kontuan harturik, erabilera oso altua ere espero liteke. Baina errealitateak beste gauza bat erakusten digu

Azken bi grafiko hauetan, eskualdeko zein kanpoko herriekin konparaketa egiten da. Datuak hemen daude, eta nahiko esanguratsuak dira. Halere, datu hotzez aparte, galdera zera da: ZERGATIK? Eta batez ere, ZER EGIN DEZAKEGU HONEN AURREAN? Ba al daude arrazoiak arduratzeko?

2007. urtean, egin zaitez Berbalaguna!

2008-03-06T09:59:00.000+01:00

Berbalagun egitasmoa iazko maiatzean hasi zen martxan gure eskualdean. Jarraian ikusi daitezke orain arte egindakoaren adibideak. Badaude eskualdeko zenbait biztanlek dagoeneko izena eman dutena egitasmoan: euskaldun zaharrak, euskara erabiltzera ohitu nahi diren euskara ikasleak zein euskararekin lehen kontaktua soilik izan dutenak. Denontzako baita Berbalagun egitasmoa.
Lortu nahi diren helburuak, partaideen arabera izango dira beraz: euskaldun berrientzako, euskara erabiltzera ohitzea eta hitz-jarioa areagotzea; oraindik inolako ezagutza daukatenentzat, euskararekiko lehen kontaktua erraztea eta ikaste prozesuan murgiltzea, euskara klaseak eta erabilera uztartuz; eta euskaldun zaharrentzako, gure hizkuntzaren aldeko hartu beharreko konpromisoaz ohartzea, eta honen bidetik, euskara ikasi nahi dutenei laguntzea.
Parte hartzea oso sinplea da: izena eman eta guk kide edo taldea topatuko dizkizugu. Denok daukagu zer eman eta zer jaso. Berbalagunaren bidez bi pertsona (edo gehiago) ezezagun euskaraz hitz egiten hasten dira, baina horrez gain, bestelako mundu bat ezagutzeko aukera sortzen da, euskaldun berri zein zaharrentzako.
Anima zaitezte euskararen bidez mundua ezagutzera!

2007

Hizkuntzak zubi direnean

2008-03-06T09:54:00.000+01:00

Wolof ikastaroa martxan dago. Honen berri emateko, Lea-Artibai eta Mutrikuko Hitzak artikulua argitaratu zuen, jarraian agertzen dena, ondo baino hobeto azaltzen baitu nola doan ikastaroa eta zeintzuk diren partaideen iritziak.

" Geure artekoak dira. Berton bizi dira, berton egiten dute beharra. Noraino ezagutzen ditugu, baina, Lea-Artibai zein Mutrikura azken urteotan etorri diren afrikarrak, latinoamerikarrak, Ekialdeko Europako herritarrak? Egunerokotasunean elkarrekin bizi garen arren, kultura eta hizkuntza desberdinak edukitzeak sarritan amildegia zulatzen du biztanle berri eta zaharren artean. Hizkuntzak, ostera, pertsonen arteko zubiak eraikitzako jaio ziren. Horrela ulertu dute Berbalaguna egitasmoan zein wolof ikastaroan eragile, ikasle edo irakasle diren pertsonek.
Zapatu goizero hitzordua daukate Ondarroako AEK euskaltegian Senegaleko hizkuntza nagusia -wolof- ikasten dihardutenek. Ismail Fall dute irakasle. "Luxua da horrelako irakaslea edukitzea, formazio handikoa, eta erakusten atsegina", diote ikasleek. Orain arte bost lagun- guztiak emakumeak- batzen idira wolofaren doinuak deszifratzeko saioetan. Eta esateko daukate ateak zabalik daudela izena emateko; "esperientzia guztiz aberasgarria da, asko daukagulako gure herrikide afrikarrei erakusteko, eta baita haiengandik ikasteko ere".
Wolof ikastaroaren ideia Berbalaguna egitasmoan ibili izan direnengandik jaio zen. Tartekoa da Nahia Guenaga: "12 bat lagun batu izan gara zapatu eguerdietan euskara ikasi nahi duten etorkinekin egoteko; han bururatu zitzaigun bertokoentzako ere interesgarria izango litzatekeela Senegaleko hizkuntzaren bidez haien kultura hobeto ezagutzea". Data gaitzetan hasi ziren wolof ikastaroagaz, uztailean, eta udan ez da erraza izan talde zabala eratzea. Badute itxaropena ikasturte berriaren hasieragaz jende gehiago animatzeko.

Senegalera joateko, norbera aberasteko, ikastearren...

Senegalera doa Mariama Torienzo mutrikuarra abenduan. Motibazio praktikoa eduki du, beraz, ikastaroan izena emateko. "Bertara joanda Bertako hizkuntza nahi dut erabili, behintzat oinarrizko elkarrizketetan".
Berbalagun egitasmoan dabilen lagun batek esanda animatu zen Aitziber Goienetxea lekeitiarra. "Bera wolofean profesionala da!" esan dio Ismail Fall irakasleak, irribarrez. Bakarra da klaseaz aparte aukera daukan senegaldarrekin hizkuntza praktikatzeko aste barruan.
Mari Kruz Lekunberri ondarrutarrak ere Berbalagun egitasmoan parte hartuta egin du woloferako bidea. "Nik pentsatzen dut hurreratze bat egon behar dela, baina zentzu bietan; uste dut hau ez dela izan behar integrazio hutsa- eurak geurera sartu-, elkar aberaste bat baino".
Lekunberrik beste hausnarketa interesgarri bat ere gehitu du, holako ekimen baten balioa azpimarratzeko: "Inmigranteen egoera soziala, hain larri dena, guk ezin dugu konpondu; baina sikieran harreman pertsonalen bitartez adierazi ahal diegu eurei geuretarrak somatzen ditugula, eta berdinak garela, nahiz itxurak ezberdinak izan".
"Herriko bizitzan parte hartu nahi dugu, eta horretarako euskara- gutxi edo asko- ikasi egin behar dugu. Era berean, gure kultura ere bertokoek ezagutzea nahi genuke; hizkuntzak dira horretarako zubi", azaldu du Ismail Fallek.
Aditzen iraganaldiak lantzen jarraitu dute, irakasleak arbelean idatzitako apunteak jasotzen. Etorkizuna elkarren arteko ulermen eta errespetuaren letra handiekin marraztu nahi lukete."

Maribi Ugarteburu- Lea-Artibai eta Mutrikuko Hitza

EUSKARA ALARMA GORRIAN!

2008-03-06T09:47:00.000+01:00

EUSKALDUN ZAHARRAK BEHAR DITUGU!
Eman 11 ordu euskarari!!!

"EZ DEZATELA ONDORENGOAK EUSKARA GUGATIK GALDU ZALA, EUSKALERRIAN ESATEKO BIDERIK IZAN " (Barandiarango Joxe Migel).

Jakingo duzuen moduan, berbalagun egitasmoa martxan hasi zen orain dela hiru-lau hilabete. Berbataldeak martxan jarri ziren eta orain arte oso esperientzia polita eduki dute. Kontua da, berbataldeak irailean berriro hasiko direla martxan eta EUSKALDUN ZAHARREN premia dagoela talde hoietan parte hartzeko!
Euskaldun zaharra bazara, eta euskarari ordu batzuk eskaini nahi badizkiozu, egin zaitez BERBALAGUNA. Eskatzen den gauza bakarra, astean ordu bat dedikatzea da, berbataldeetako 11 ordutan parte hartzea nahiko delarik.
Berbalagunaren inguruan informazio gehiago eskuratu nahi izanez gero, web orrialde honetan behar duzun guztia aurkituko duzu, bestela deitu ezazue Ondarroa, Lekeitio, Markina-Xemein, Berriatua eta Etxebarriako udaletxeetara, edo bestela, Lekeitio eta Ondarroako AEK-ko euskaltegietako telefono hauetara:

Lekeitioko AEK: 946842869
Ondarroako AEK:946134021

2006ko iraila

Ondarroako Zapato Azule

2008-03-06T09:44:00.001+01:00

Uztailaren 1en, zapatua, ondarrutarrek Zapatu Azule ospatu zuten. Han izan ginen, jaia ezagutzeko prest. Pilo bat jende batu ginen eta ondarrutar eta kanpotarren artean ibili ginen. Ez genituen kamisetak erosi, agian hurrengoan.... (Kamiseten azoka egoten da, ikusgarria)

2006ko uztaila

Ondarruko Zubi Zaharrean barre batzuk egiten

Markina-Xemeingo Berbalagun taldea

2008-03-06T09:27:00.000+01:00

Markina-Xemeinen ere, Berbatalde bat sortu da. Momentuz oso handia ez bada be, lehendabiziko saioa egin zuen joan zen uztailaren 28an. Uda sasoia eta giro ona aprobetxatuz, Lekeition izan ginen, herria ezagutzen (nahiz eta Markinan bizi, batzuk ez baitzuten ezagutzen), eta gero Lea Ibilbidetik osteratxoa egin genuen, Lekeitiotik Oletaraino hain zuzen. Talde txikia izanda, denek izan zuten elkar ezagutzeko eta euskaraz hitz egiteko aukera.
Abuztuan geldirik egon gara, oporrak zirela-eta. Baina irailean bueltan gatoz, berriro ere Berbalagun egitasmoari ekiteko, eskualdeko euskaldun sarea osatu eta sendotzeko asmoz.

2006ko uztaila

Ibilbidea hasi baino lehen, Lekittotik bueltatxu bat, "beraneantien" modura.

Atzean Garraitzeko irla (eta ez San Nikolas!)

Marea-Errotako paduretan, Lumentza mendia atzean daukagula.

Mendexako Ospitale zaharren aurrean. Atzean ikusten dira Antzar Jaian erabiltzen diren potiñak. (Datorren urtean Berbalagunak aterako al du berea?)

Hau be gurekin etorri zen, ez zituen berba gehiegirik bota, baina primeran pasatu zuen.

Eeeeee! Itxaron! Hainbeste berba ta berba atzean utzi nauzueeeeee!!!

Wolof ikastaroa hastera doa

2008-03-06T09:24:00.000+01:00

Uztailaren 22an, zapatua, Wolof ikastaroa hasiko da Ondarroako AEK Euskaltegian. Berbalagun egitasmoaren helburuen artean kultur trukaketa eta elkar ezagutzea daudenez, Berbakide batzuek ikastaro hau antolatzea pentsatu zuten. Wolof Senegaleko hizkuntzetariko bat da, biztanle gehienek erabiltzen dutena, nahiz eta ez izan Senegaleko hizkuntza bakarra. (Senegaleko hizkuntza ofiziala frantsesa da, baina wolof, serer eta fulani dialektoak ia herrialde osoan ulertzen dira).
Beraz, wolof ikasi eta euskara irakatsi nahi baduzu, badakizu nora jo. Esperientzia polita izan daiteke ezta? Izena emateko, Ondarroako AEK Woloftegian!!!

2006ko uztaila

Burrundada: Perkusio egunean izan ginen

2008-03-05T11:10:00.000+01:00

Ekainaren 24an Lekeitioko Perkusio Egunean izan ginen (Gazte Bulegoak antolatuta), Ondarroako Berbalagunen taldearekin. Egun aparta izan zen oraingoan ere, yembeak, edozein tamainako danborrak, txalaparta, dantza... Goizean taldeak Lekeition zehar ibili ziren eta gu Markinako senegaldarren talde batekin batu ginen.
Bazkal orduan Hotel Beitian egon ginen eta han aukera izan genuen euskaraz hitz egiteko eta jende berria ezagutzeko.
Arratsaldean, danborra jotzeari ekin genion berriz ere. Giroa nahiko berotuta zegoen eta batek baino gehiago dantzan hasi zen. Nahiz eta eguraldia kaskartu eta euri zaparrada hasi, nori inporta? Kultur etxeko baxuetan sartu eta jo ta jo, dantza ta dantza, eskuak eta oinak apurtu arte.

2006ko ekaina

Lekeitiora helduta. Nora jun bir dou ba?

Gure Berbalaguneko mutilak infiltratuta musikarien artean

Hotel Beitian euskarari ekiten

Gure taldekideek erritmoa hartzen

Bazkaria bajatzeko modurik onena... DANTZAN!

Eneeeeeeeeeeeeee! Neskak solta jakuz!

Markinako Mory. Honek euskarazko klaseak ematen ditu.... SENEGALEN!

Ondarruko Berbataldearen ekintzak

2008-03-05T11:01:00.001+01:00

Berbalagun egitasmoak aurrera jarraitzen du, Ondarroako taldea zapatuero batzen da, eta oraingoan txalaparta jotzeari ekin diote. Oinarrizko azalpenak jaso eta jarraian, jotzera! Yembe joleak ere egon ziren tartean, beraz erritmoa zen nagusi. Hurrengorako instrumento biak uztartuz agian kontzertu bat eman? Auskalo! Ttakun ttakun euskaraz jardun
2006-06-28

Lehendabiziko Berbataldea

2008-02-04T10:41:00.000+01:00

2006-06-22 11:04:44, Atalak: Lehendabiziko Berbataldea Lehendabiziko Berbataldea Dagoeneko sortu da lehendabiziko Berbalagun taldea. Lehen kontaktua egin ostean, elkar ezagutzeko, Santa Eufemiara (Markina eta Aulestiaren artean dagoen mendia) irteera bat egin genuen. Talde anitza batu zen, adin, sexu eta jatorri desberdinekoa. Menditik osteratxoa egin eta gero bazkaltzera! Oso egun atsegina izan zen, kriston eguraldia, eta paisaiaz disfrutatzeko aukera izan genuen. Denok errepikatzeko gogoaz gelditu ziren. Beraz, hurrengoan beste bat egingo dugu. Argazkiak ikustean ez al zaizu etortzen gogoa zu ere egitasmora batzeko?